فوتو: depositphotos.com
اتىراۋدا №37 ورتا مەكتەپتٸڭ مۇعالٸمٸ الاياقتىق جاسادى دەپ ايىپتالدى. اتا-انالاردىڭ ايتۋىنشا, ول سەنٸمدەرٸنە كٸرٸپ, گرانت ەپەرەمٸن دەپ ۋەدە بەرگەن سوڭ اقشا مەن ەشەكەي بۇيىمدارىن العان, - دەپ حابارلايدى "اق جايىق" باسىلىمى.
باسىلىم مەلٸمەتٸنشە, اتا-انالار توبى شاعىم تٷسٸرٸپ, مۇعالٸم ٶز قىزمەتٸن جەكە مٷددەسٸنە پايدالانعانىن ايتقان.
"بالالارىمىزدى كٸمگە سەنٸپ تاپسىرامىز? مەكتەپ ٸشٸندە وسىنداي جاعداي بولىپ جاتقاندا تەربيەمەن, بٸلٸممەن قالاي ماقتانا الامىز?" – دەپ اشۋلاندى اتا-انالار.
ولار مۇعالٸمدٸ دەرەۋ جۇمىستان شىعارۋدى تالاپ ەتٸپ, قالالىق پروكۋراتۋرانى, پوليتسييانى جەنە بٸلٸم باسقارماسىن جاعدايدى باقىلاۋعا الىپ, ٸستٸ سوتقا جەتكٸزۋگە شاقىردى.
اتا-انالار قاۋىمى بالالاردىڭ تاعدىرىنا نەمقۇرايلىق تانىتپايتىنىن جەنە دەرەكتەر راستالعان جاعدايدا كٸنەلٸگە قاتاڭ جازا قولدانۋدى تالاپ ەتەتٸنٸن ايتتى.
ال بٸلٸم باسقارماسى ەزٸرگە بۇل جاعدايعا قاتىستى پٸكٸر بٸلدٸرمەگەن.
پوليتسييا دەپارتامەنتٸ قىلمىستىق ٸس قوزعالعانىن حابارلادى.
"بۇل دەرەك بويىنشا "الاياقتىق" بابىمەن سوتالدى تەرگەۋ باستالدى. قازٸر كەشەندٸ تەرگەۋ شارالارى جٷرگٸزٸلٸپ جاتىر. تەرگەۋ مٷددەسٸنە بايلانىستى ٶزگە اقپارات جارييالانبايدى", – دەدٸ ۆەدومستۆو ٶكٸلدەرٸ.
ايتا كەتەيٸك, بۇعان دەيٸن اتىراۋدا №30 مەكتەپتٸڭ بۇرىنعى قىزمەتكەرٸ مەكتەپ ديرەكتورى بالالارعا تيٸسٸپ جٷر دەپ ايىپتاعان. بۇل جاعدايعا قاتىستى وبلىستىق بٸلٸم باسقارماسى پٸكٸر بٸلدٸرگەن ەدٸ.
