Atyraýda mektep muǵalimderin kásiptik mindetine jatpaityn jumysqa tartqan direktor jazalandy, dep habarlaidy "Ult aqparat".
Buǵan deiin áleýmettik jelide Bekmuhambetov atyndaǵy orta mekteptiń direktory pedagogterdi kásiptik mindetimen bailanysty emes jumys túrlerine tartty degen jazba taraǵan edi. Oblystyq bilim basqarmasy baspasóz qyzmetiniń málimetine súiensek, atalǵan mekteptiń direktoryna tártiptik shara qoldanylǵan.
«Atyraý oblysy boiynsha Ishki memlekettik aýdit departamenti áleýmettik jelidegi aryzǵa qatysty tekseris júrgizýde. Jaǵdai qatań baqylaýda bolady», - dedi Atyraý qalalyq bilim bóliminiń basshysy Farýza Shangereeva.
Onyń aitýynsha, Bekmuhambetov atyndaǵy orta mektepte 2020 jyly kúrdeli jóndeý júrgizilgen. Alaida, merdiger mekemege durys atqarylmaǵan jumystarǵa qatysty kepildik merzimi kezeńinde qalpyna keltirý týraly hat joldanǵan.
