Atyraý oblysynda koronavirýstan qaitys bolǵan eki adamnyń biri úiinde bir apta jatyp qalǵan. Bul týraly búgin Atyraý oblystyq densaýlyq saqtaý basqarmasy basshysynyń mindetin atqarýshy Nurlybek Qabdyqaparov málim etti.
«Koronavirýs indetinen qaitys bolǵan naýqastyń biri respiratorly belgilerimen aýyrǵannan keiin oblystyq aýrýhananyń provizorlyq bólimshesine meditsinalyq jedel-járdem kómegimen jetkizildi. Aýyr jaǵdaida «eki jaqty pnevmoniia, jedel tynys alý jetispeýshiligi» diagnozymen jatqyzylǵan syrqatty dárigerler aman alyp qala almady.
Al, kóz jumǵan ekinshi adam bir apta boiy úiinde aýyrǵan. Alǵashqy úsh kúnde diareia belgileri, artynan jótel, dene qyzýynyń joǵarylaýy, entigý, jalpy álsizdik, tábetiniń tómendeýi belgileri paida bolǵan. Keýde kletkasynyń KT zertteýi jasaldy. Ókpe tininiń zaqymdalý kólemi 50% qurady. Aýrýhanaǵa túsken kezden bastap naýqas VRAR rejiminde muryn arqyly ókpeni jasandy jeldetý apparatyna qosyldy»,- dedi Nurlybek Qabdyqaparov.
Buǵan deiin Atyraýda koronavirýstan eki qaitys bolǵanyn habarlap edik.
