Atyraý oblysynda koronavirýs infektsiiasyn juqtyrǵan 6 naýqaspen 100-den astam adam bailanysta bolǵan, dep habarlaidy "Ult aqparat".
Óńirlik kommýnikatsiialar qyzmetiniń málimetinshe, indetke shaldyqqan 6 naýqaspen qarym-qatynas jasaǵan 109 adam anyqtalyp, olardyń barlyǵy oqshaýlanǵan.
«Olardan koronavirýs infektsiiasynyń bar-joǵyn anyqtaý úshin analiz alyndy. Onyń qorytyndysymen 67 adamda test teris nátije kórsetti. Al, qalǵan 42 adamnyń test qorytyndysy jýyq arada belgili bolady», - delingen málimette.
Aita keteiik, 29 naýryz kúni Atyraý oblysynda koronavirýs juqtyrýdyń altynshy oqiǵasy rastaldy.
Qazaqstan boiynsha naýqastar sany 271-ge jetti.
