Atyraý oblysynda qaýipti indetti juqtyrǵandardyń 60 paiyzy emdelip shyqqan. Bul týraly oblystyq densaýlyq saqtaý basqarmasynyń basshysy Nurlybek Qabdyqaparov málim etti, dep habarlaidy "Ult aqparat".
Óńirlik kommýnikatsiialar qyzmetiniń málimetinshe, qazir Atyraý oblysynda koronavirýs infektsiiasyn juqtyrǵan 9392 adam tirkelgen. Sońǵy táýlikte 109 adamnan qaýipti indet rastalǵan. Ósim – 1,7 paiyz.
«Qazir oblysta 1170 infektsiialyq, 787 provizorlyq, 2013 karantindik kerýet jasaqtaldy. Epidemiologiialyq jaǵdai turaqtalyp keledi. Memleket basshysynyń tapsyrmasyna sáikes, infektsiialyq kerýetterdiń sany 60 paiyzǵa artty. Naqtyraq aitqanda, burynǵyǵa 466 oryn qosyldy. Búginde 55 intern infektsiialyq, provizorlyq statsionarlarda qyzmet etýde. Sondai aq, reseilik dárigerler bizdiń dárigerlermen tyǵyz bailanys jasap, bekitilgen algortimge sáikes em júrgizýde»,- dedi oblystyq densaýlyq saqtaý basqarmasynyń basshysy Nurlybek Qabdyqaparov.
Onyń aitýynsha, koronavirýsty juqtyrǵandardyń 60 paiyzy jazylyp shyqty. Qazir olardyń sany 5 677 adamdy qurap otyr.
