29 tamyzda Atyraý qalasynda Qazaqstan Respýblikasy Konstitýtsiiasy kúnine orai saltanatty shara ótti. Keshke Atyraý oblysynyń ákimi Nurlan Noǵaev, memlekettik qyzmetkerler, eńbek ardagerleri, qala turǵyndary men qonaqtary qatysty, – dep habarlaidy.
Aita ketelik, biylǵy Konstitýtsiia kúni Semei iadrolyq poligonynyń jabylýynyń 25 jyldyǵymen tuspa-tus kelip tur.
Jiynda sóz alǵan aimaq basshysy oblys turǵyndary men qonaqtaryn Konstitýtsiia kúnimen quttyqtai otyryp, elimizdiń aspanynyń ashyq, táýelsizdiginiń máńgilik bolýyn tiledi. Ol sonymen qatar Ata zańymyzdaǵy negizgi qundylyqtardyń adam men onyń ómiri, erkindigi men quqyǵy ekendigin eske salyp, bul qaǵidattardyń qazaq qoǵamynda ejelden kele jatqanyn aitty. Onyń aitýynsha, negizinde danalyq jatqan bul qujattyń ashylǵamaǵan múmkindigi kóp.
“Elimizdik Konstitýtsiiasy – halyq danalyǵymen qatar, álemdegi eń ozyq modelderdi eskerip jasalǵan erekshe qujat. Onyń ashylmaǵan qyry, múmkindigi óte kóp. Eldi utymdy basqarýǵa muryndyq bolyp otyrǵan Ata zańymyz Qazaqstannyń kóptegen ekonomikalyq, saiasi jetistikterge jetýine sebep bolyp otyr. Elbasy Nursultan Nazarbaevtyń saliqaly saiasatynyń arqasynda elimiz álemdegi eń bedeldi uiymdarǵa múshe bolyp, óziniń áleýetin kóterip, potentsiialyn paidalanyp otyr. Prezidentimiz, munymen birge, álem liderleriniń basyp qosyp ǵalamdyq problemalardy sheshý jolynda qozǵalýǵa muryndyq bolyp júr ”, – dedi ákim.
Oblys basshysy Elbasynyń iadrolyq qarýdan bas tartý týraly sheshiminiń el tarihyndaǵy mańyzyn erekshe atap ótti.
“Osydan 25 jyl buryn Elbasy Nursultan Ábishuly Nazarbaev «Semei iadrolyq poligonyn jabý týraly» Jarlyqqa qol qoidy. Onyń kóregendigimen tórtkúl dúnie memleketimizdi iadrolyq qarýdan bas tartqan Beibitshil El retinde tanydy. Qazirgi tańda Qazaqstan - halyqaralyq qoǵamdastyqta álemdik antiiadrolyq qozǵalystyń kóshbasshysy”, – dedi Nurlan Noǵaev.
Sóziniń sońynda aimaq basshysy eńbekte erekshe kózge túsken qyzmetkerlerge jáne Semei iadrolyq synaq poligonynyń erekshe táýekel etýshilerine alǵys hatyn tabystady.
Sonymen qatar, oblysta ótken «Konstitýtsiiany jatqa bilemin!» atty konkýrstyń jeńimpazdary marappataldy. Birinshi oryndy ielengen Nurtaeva Aqnurǵa Halel Dosmuhamedov atyndaǵy Atyraý memlekettik ýniversitetiniń bilim granty tapsyryldy. Saiysta qabiletin baiqatqan taǵy 6 qatysýshyǵa ýniversitter men kolledjderdegi oqý aqysyna 50 paiyzdyq jeńildik sertifikattary men basqa da baǵaly syilyqtar berildi.
Aita ketelik, elimizdiń Konstitýtsiiasy 1995 jyldyń 30 tamyzynda búkilhalyqtyq referendýmda qabyldanǵan.
