Foto:gov.kz
Atyraýlyq qutqarýshylar kilttenip qalǵan kólikten bir jarym jasar balany shyǵardy, - dep habarlaidy "Ult aqparat" Atyraý oblysy TJD baspasóz qyzmetine siltem jasap.
Vedomstvo málimetinshe, oqiǵa 25 tamyz saǵat 8.28-de Atyraý qalasy, Geolog yqshamaýdany, Ermuhanov kóshesi mekenjaiynda bolǵan. TJD-ǵa avtokólik ishinde bir jasar bala kilttenip qalǵandyǵy týraly habarlama túsken.
"Shaqyrtý ornyna dereý jetken qutqarýshylar 1,5 jastaǵy bala avtokólikte kilttenip qalǵandyǵyn anyqtady. Kóliktiń janynda balanyń anasy boldy. Qutqarýshylar balanyń anasynan ýaiymdamaýyn ótinip, kólikti qarap, avariialyq-qutqarý quraldary kómegimen salonnyń esigin ashty.
Bala aman-esen anasyna tapsyryldy. Jaǵdaiy jaqsy bolǵandyqtan meditsinalyq kómekti qajet etpedi", - delingen habarlamada.
