Foto: videodan skrinshot
Oqiǵa 5 aqpan kúni bolǵan. Saldarynan eki oqýshy jeńil dene jaraqatyn aldy, dep habarlaidy Ult.kz.
– Habarlama túsken boida oqiǵa ornyna politsiia qyzmetkerleri jedel jetip, jasóspirim anyqtalyp, ustaldy. Oqiǵaǵa qatysýshylar men olardyń ata-analary politsiia bólimine jetkizildi. Atalǵan derek boiynsha buzaqylyq faktisimen qylmystyq is qozǵaldy. 15 jastaǵy kúdikti ýaqytsha ustaý izoliatoryna qamalyp, Ishki ister organdarynyń esebine alyndy, - dep málimdedi PD baspasóz qyzmeti.
Jinaqtalǵan materialdar sheshim qabyldaý úshin kámeletke tolmaǵandardyń isteri jónindegi komissiiaǵa joldanǵan. Sondai-aq jasóspirimniń ata-anasyna qatysty kámeletke tolmaǵan balany tárbieleý jónindegi mindetterin tiisinshe oryndamaǵany úshin ákimshilik is qozǵaldy.
– Qylmystyq is aiasynda qylmysqa yqpal etken sebepter men jaǵdailardy joiý týraly bilim berý bólimine usynys engizildi. Tergeý qorytyndysy boiynsha bilim berý uiymynyń laýazymdy tulǵalarynyń, sondai-aq oqý ornyn kúzetýdi júzege asyrǵan kúzet agenttigi qyzmetkerleriniń áreketterine quqyqtyq baǵa beriletin bolady, - delingen PD resmi málimdemesinde.
