Atyraý oblysynda búgin túnnen bastap karantindik shekteý sharalary uzartylady, dep habarlaidy "Ult aqparat".
Atyraý oblysynyń Bas memlekettik sanitariialyq dárigeri 2020 jylǵy 12 qazanda óńirde karantin sharalaryn uzartý týraly qaýlyǵa qol qoidy.
Qaýlyǵa sáikes, Atyraý oblysynyń aýmaǵynda 2020 jylǵy 12 qazan saǵat 00:00-den bastap COVID-19 - dyń epidemiologiialyq ahýaly turaqtanǵanǵa deiin shekteý sharalary uzartylady. Jáne bes jasqa deiingi balalardy, qoǵamdyq tamaqtaný oryndarynda tamaqtaný jaǵdailaryn, jeke jáne 5 adamnan aspaityn toptyq sportpen ainalysatyn adamdardy qospaǵanda, áleýmettik qashyqtyqty mindetti túrde saqtai otyryp, qoǵamdyq oryndarda, qoǵamdyq transportta, halyqqa qyzmet kórsetý jáne demalýǵa arnalǵan ǵimarattarda, ashyq aýada meditsinalyq nemese mata betperdelerin kiiý mindetti.
Sonymen qatar, demalys jáne mereke kúnderi azyq-túlik sýpermarketteri men olardaǵy dárihanalardy qospaǵanda, saýda jáne oiyn-saýyq ortalyqtarynyń (býtikter), saýda úileriniń, saýda jelileriniń qyzmetine shekteý qoiylǵan.
Qaýlynyń tolyq mátinimen myna jerden tanysýǵa bolady.
