Búgin Atyraý qalasynda karantin, al, oblys aýmaǵynda shekteý sharalary engizildi. Onyń merzimi 15 sáýirge deiin sozylady, dep habarlaidy "Ult aqparat".
Atyraý oblysynyń bas memlekettik sanitar dárigeri Meiirjan Esimbaevtyń qaýlysyna sáikes Atyraý qalasyna kirýge jáne odan shyǵýǵa tyiym salyndy. Budan ózge de birneshe shekteý bar.
Qaýly boiynsha, 30 naýryz saǵat 00.00-den bastap 2020 jylǵy 15 sáýir 07.00-ge deiin Atyraý qalasynda karantin jáne Atyraý oblysy aýmaǵynda mynadai shekteý sharalary engizildi:
- Atyraý qalasyna kirýge jáne odan shyǵýǵa tyiym salynady (turaqty turý oryndaryna kirýge jáne shyǵýǵa 02.04.2020 jyly saǵat 00-00 deiin ruqsat beriledi);
- aýdan turǵyndaryna oblystar, aýdandar jáne Atyraý qalasy arasynda júrýge tyiym salynady;
- oblystar jáne aýdandar arasynda resmi jáne resmi emes (tirkelmegen) jeke tasymaldaýshylarmen jolaýshylar tasymalyna tyiym salynady;
- barlyq avtovokzaldardyń, avtostantsiialardyń jumysy toqtatylsyn;
- 2020 jylǵy 1 sáýirden bastap temirjoldaǵy aimaqaralyq jolaýshylar qatynasy toqtatylsyn;
- úkimettik reister men tótenshe jaǵdai jónindegi Atyraý óńirlik komissiiasynyń tóraǵasymen kelisilgen reisterden basqa, Atyraý halyqaralyq áýejaiynyń barlyq reisterin toqtatsyn;
- turǵylyqty jerinen myna sebeptermen ǵana shyǵýǵa bolady: azyq-túlik, qajetti zattar, dári-dármekter men meditsinalyq maqsattaǵy buiymdardy satyp alý; jumysqa barý; meditsinalyq kómekke júginý.
- 65 jastan asqan qala turǵyndaryna erekshe qajetsiz úiler men páterlerden dalaǵa shyqpasyn;
- turatyn jerinen tys jerde júrgen kezde maska kiip júrsin, bir ret qoldanylatyn qolǵaptardy paidalansyn jáne qoldy óńdeýge arnalǵan teri antiseptikteriniń bolýyn qamtysyn;
- balalarmen serýendeýdi turǵylyqty jerinen 500 metrden aspaityn jáne uzaqtyǵy 30 minýttan aspaityn radiýsta júzege asyrsyn;
- azyq-túlik sýpermarketterin, azyq-túlik dúkenderin, dárihanalar men qajetti taýarlar satýdy qospaǵanda, saýda-oiyn-saýyq ortalyqtary men bazarlardyń qyzmetin toqtatsyn;
- azyq-túlikke jatpaityn saýda ortalyqtarynyń, jeke turatyn azyq-túlik emes dúkenderdiń, avtokólik satatyn salondardyń, avto bólshekterdi satý salondarynyń, gúl pavilondarynyń, himiialyq tazalaý, kir jýatyn oryndardyń, fotoatele, fotosalondardyń, optika, lombardtardyń, jyljymaityn múlik agenttikteriniń, kólik jýý oryndarynyń,tehnikalyq qyzmet kórsetý stantsiialary, monshalar, saýnalar, fitnes klýbtar, trenajerler, sport keshenderi, basseinder, sulýlyq salondary, spa-ortalyqtar, tyrnaq sheberhanalary, shashtarazdar, kompiýterlik klýbtar, jabyq balalar oiyn alańdary, zoopark , muz aidyny, kórmeler jáne osyǵan uqsas qyzmet kórsetý nysandary qyzmetin toqtatsyn;
13) meiramhanalar, kafeler, barlar, ashanalar jáne basqa da qoǵamdyq tamaqtaný obektileriniń jumysyna tek 10.00-den 20-00-ge deiin «tapsyrys berýshilerge jetkizý» qaǵidaty boiynsha ruqsat berilsin;
14) menshik túrine qaramastan balabaqshalardyń qyzmeti toqtatylsyn» - delingen qaýlyda.
