Atyraý oblysynyń politseileri iz-túzsiz joǵalyp ketken jylqyshyny óltirgen kúdiktini ustap, qoǵamda daý týǵyzǵan qylmysty ashty, dep habarlaidy "Ult aqparat".
Buǵan deiin 6 qyrkúiekte Jylyoi aýdanynyń 47 jastaǵy turǵyny jylqylaryn izdeýge shyǵyp, iz-túzsiz joǵalyp ketken edi. Atalǵan fakti boiynsha Atyraý oblystyq politsiia departamentiniń qyzmetkerlerinen jedel-tergeý toby quryldy.
Joǵalǵan azamattyń júrgen jerin anyqtaý úshin politsiia jáne tótenshe jaǵdailar departamentteriniń qyzmetkerleri, sondai-aq eriktiler dalalyq aýmaqty aralap, izdeý jumystary jan-jaqty júrgizildi.
«Búgin, 14 qyrkúiekte politsiia qyzmetkerleri Jylyoi aýdanyndaǵy Qulsary qalasynan 100 shaqyrym jerdegi Qyryqmyltyq ken alańy mańynda 15-20 metr tereńdiktegi shuńqyrdan joǵalǵan azamattyń óli denesin tapty. Osy derekke qatysty saraptama taǵaiyndaldy. Atalǵan qylmysqa kúdikti Jylyoi aýdanynyń 38 jastaǵy turǵyny ustaldy. Kúdikti buryn sottalǵan. Qazir QR Qylmystyq Kodeksiniń 99-babymen sotqa deiingi tergeý júrip jatyr. Tergeý kezinde qylmystyń sebebi anyqtalady» dep habarlady oblystyq politsiia departamentiniń baspasóz qyzmeti.
