اتىراۋ وبلىسىنىڭ پوليتسەيلەرٸ ٸز-تٷزسٸز جوعالىپ كەتكەن جىلقىشىنى ٶلتٸرگەن كٷدٸكتٸنٸ ۇستاپ, قوعامدا داۋ تۋعىزعان قىلمىستى اشتى, دەپ حابارلايدى "ۇلت اقپارات".
بۇعان دەيٸن 6 قىركٷيەكتە جىلىوي اۋدانىنىڭ 47 جاستاعى تۇرعىنى جىلقىلارىن ٸزدەۋگە شىعىپ, ٸز-تٷزسٸز جوعالىپ كەتكەن ەدٸ. اتالعان فاكتٸ بويىنشا اتىراۋ وبلىستىق پوليتسييا دەپارتامەنتٸنٸڭ قىزمەتكەرلەرٸنەن جەدەل-تەرگەۋ توبى قۇرىلدى.
جوعالعان ازاماتتىڭ جٷرگەن جەرٸن انىقتاۋ ٷشٸن پوليتسييا جەنە تٶتەنشە جاعدايلار دەپارتامەنتتەرٸنٸڭ قىزمەتكەرلەرٸ, سونداي-اق ەرٸكتٸلەر دالالىق اۋماقتى ارالاپ, ٸزدەۋ جۇمىستارى جان-جاقتى جٷرگٸزٸلدٸ.
«بٷگٸن, 14 قىركٷيەكتە پوليتسييا قىزمەتكەرلەرٸ جىلىوي اۋدانىنداعى قۇلسارى قالاسىنان 100 شاقىرىم جەردەگٸ قىرىقمىلتىق كەن الاڭى ماڭىندا 15-20 مەتر تەرەڭدٸكتەگٸ شۇڭقىردان جوعالعان ازاماتتىڭ ٶلٸ دەنەسٸن تاپتى. وسى دەرەككە قاتىستى ساراپتاما تاعايىندالدى. اتالعان قىلمىسقا كٷدٸكتٸ جىلىوي اۋدانىنىڭ 38 جاستاعى تۇرعىنى ۇستالدى. كٷدٸكتٸ بۇرىن سوتتالعان. قازٸر قر قىلمىستىق كودەكسٸنٸڭ 99-بابىمەن سوتقا دەيٸنگٸ تەرگەۋ جٷرٸپ جاتىر. تەرگەۋ كەزٸندە قىلمىستىڭ سەبەبٸ انىقتالادى» دەپ حابارلادى وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
