Atyraýda koronavirýstyń ekinshi tolqyny bastalsa, infektsiialyq oryndar sany 1570-ke deiin ulǵaiady, dep habaraidy "Ult aqparat".
Oblystyq densaýlyq saqtaý basqarmasynyń bólim basshysy Nina Ospanovanyń aitýynsha, qazir óńirdegi epidemiologiialyq ahýaldyń turaqtanýyna bailanysty 520 infektsiialyq oryn jumys istep tur.
Onyń ishinde 315 infektsiialyq kereýet Teńiz kenishinde ashylǵan.
«Búgingi tańda Teńiz kenishiniń infektsiialyq statsionarynda 174 adam em qabyldaýda. Oblystyq juqpaly aýrýlar aýrýhanasynda 38 naýqas koronavirýs infektsiiasynan emdelip jatyr. Ekinshi tolqyn bastalar bolsa, infektsiialyq oryndar sanyn 1570-ke deiin ulǵaitý, reanimatsiialyq tósek-oryndy 90 kereýetke deiin jetkizýdi josparlap otyrmyz. Sonyń ishinde Teńiz ken ornynda qosymsha 400 infektsiialyq oryn ashý kózdelýde» deidi Nina Ospanova.
Onyń aitýyna qaraǵanda, pandemiianyń birinshi tolqynynda oblysta 1170 infektsiialyq oryn ashylǵan.
