Atyraý qalasynyń turǵyndary tórt túliktiń kóshe kezip júretini týraly birneshe ret shaǵymdanǵan edi. Al búgin Instagram jelisinde iesiz júrgen jylqynyń dámhana áinegin tepkilep turǵany túsirilgen video tarady, - dep habarlaidy KTK telearnasy.
Jeli qoldanýshylarynyń pikirine súiensek, bul oqiǵa Jylyoi aýdanynyń ortalyǵy – Qulsary qalasynda bolǵan. Al, dámhana monoqalanyń 3-shaǵyn aýdanynda ornalasqan. Sol kezde dámhananyń jumys istegeni, ne jabyq turǵany belgisiz.
Videoǵa bailanysty jeli qoldanýshylary túrli pikir bildirip jatyr. Alaida shahar kóshelerin kezgen jylqynyń iesi áli tabylmaǵan.
