Órt qaýipsizdigi qaǵidalaryna engizilgen ózgerister men tolyqtyrýlar 2019 jylǵy 29 jeltoqsannan bastap kúshine enedi, dep habarlaidy "Ult aqparat".
Bul týraly óńirlik kommýnikatsiialar qyzmetinde ótken brifingte Atyraý oblysy Tótenshe jaǵdailar departamentiniń Zilzalalardyń qaýip-qaterin azaitý jáne azamattyq qorǵaý salasyndaǵy baqylaý basqarmasynyń basshysy Jasbolat Berjanov málimdedi.
«Syǵymdalǵan tabiǵi gazben jáne suiytylǵan munai gazymen jumys isteitin qozǵaltqyshtary bar avtomobilderdi basqa maqsattaǵy ǵimarattarǵa kiriktirilgen jáne olarǵa japsarlas, sondai-aq jer deńgeiinen tómen ornalasqan jabyq tiptegi avtoturaqtarǵa gazben júretin kólikterdi kirgizýge ruqsat etilmeidi», - dedi Jasbolat Berjanov.
