Atyraýda erli-zaiypty alaiaqtar azamattardyń 150 mln teńgesin qaltaǵa basqan, dep habarlaidy QazAqparat Polisia.kz saityna silteme jasap.
Atyraýda 38 jastaǵy áiel tanystaryna kúieýi kompaniia quryltaishysy, soǵan jarna quisa dividend alyp otyrýǵa bolatynyn aityp, joq bizneske aqsha salýǵa kóndirgen.
Politsiiaǵa 18 adam júgingen, olar tabys tappaǵanyn, salǵan qarjysyn qaitara almai qalǵanyn aityp shaǵymdanǵan.
«Atyraý oblysy Politsiia departamentiniń qyzmetkerleri QR QK-niń 190-baby, 2-bóligi, iaǵni asa iri kólemde alaiaqtyq faktisi boiynsha tergeý amaldaryn júrgizdi. Jábirlenýshilerge 150 mln teńge shyǵyn keltirilgen. Alaiaqtyq faktileriniń basym bóligi halyqtyń óz aqshasyna nemquraily qaraýynan, sondai-aq qarajatty eselep qaitaryp beremin deitin adamdardyń qyzmetiniń zańdylyǵyn jiti teksermeýinen bolady», - dep atap ótti Atyraý oblysy Politsiia departamentiniń bastyǵy Qamza Úmbetqaliev.
16 qarasha kúni Atyraý qalasynyń №2 soty erli-zaiypty alaiaqtardy bes jylǵa bas bostandyǵynan aiyrdy.
