اتىراۋدا ەرلٸ-زايىپتى الاياقتار ازاماتتاردىڭ 150 ملن تەڭگەسٸن قالتاعا باسقان, دەپ حابارلايدى قازاقپارات Polisia.kz سايتىنا سٸلتەمە جاساپ.
اتىراۋدا 38 جاستاعى ەيەل تانىستارىنا كٷيەۋٸ كومپانييا قۇرىلتايشىسى, سوعان جارنا قۇيسا ديۆيدەند الىپ وتىرۋعا بولاتىنىن ايتىپ, جوق بيزنەسكە اقشا سالۋعا كٶندٸرگەن.
پوليتسيياعا 18 ادام جٷگٸنگەن, ولار تابىس تاپپاعانىن, سالعان قارجىسىن قايتارا الماي قالعانىن ايتىپ شاعىمدانعان.
«اتىراۋ وبلىسى پوليتسييا دەپارتامەنتٸنٸڭ قىزمەتكەرلەرٸ قر قك-نٸڭ 190-بابى, 2-بٶلٸگٸ, ياعني اسا ٸرٸ كٶلەمدە الاياقتىق فاكتٸسٸ بويىنشا تەرگەۋ امالدارىن جٷرگٸزدٸ. جەبٸرلەنۋشٸلەرگە 150 ملن تەڭگە شىعىن كەلتٸرٸلگەن. الاياقتىق فاكتٸلەرٸنٸڭ باسىم بٶلٸگٸ حالىقتىڭ ٶز اقشاسىنا نەمقۇرايلى قاراۋىنان, سونداي-اق قاراجاتتى ەسەلەپ قايتارىپ بەرەمٸن دەيتٸن ادامداردىڭ قىزمەتٸنٸڭ زاڭدىلىعىن جٸتٸ تەكسەرمەۋٸنەن بولادى», - دەپ اتاپ ٶتتٸ اتىراۋ وبلىسى پوليتسييا دەپارتامەنتٸنٸڭ باستىعى قامزا ٷمبەتقاليەۆ.
16 قاراشا كٷنٸ اتىراۋ قالاسىنىڭ №2 سوتى ەرلٸ-زايىپتى الاياقتاردى بەس جىلعا باس بوستاندىعىنان ايىردى.
