Atyraý oblysynda 5 virýsologiia toby jumys isteýde, dep habarlaidy "Ult aqparat".
Óńirlik kommýnikatsiialar qyzmetiniń málimetinshe, qazir koronavirýs infektsiiasynyń bar-joǵyn anyqtaityn ekspress-test shet elderden kelgenderge, sondai-aq jergilikti emhanalarǵa JRVI belgisimen júgingen adamdarǵa júrgizilýde. Koronavirýs anyqtalǵan adamdarmen jaqyn qarym-qatynasta bolǵan turǵyndarǵa da synama-test júrgiziledi. Dárigerler onyń nátijesin 6 saǵattan keiin alady.
«Atyraý qalasynda turǵyndardan synama-test alatyn 5 virýsologiia toby jumys isteýde. Jalpy, aimaqta koronavirýsty anyqtaýǵa arnalǵan 700 test bar. Synama toptamalary qosymsha qajet bolsa, taǵy da tiisti mólsherde jetkiziletin bolady», - dep habarlady Óńirlik kommýnikatsiialar qyzmetinen.
