Atyraýda politseiler dárihanany tonaǵan uryny ustady, dep habarlaidy oblystyq politsiia departamenti baspasóz qyzmeti.
Dárihanany tonaý maýsymnyń 17-nen 18-ne qaraǵan túnde bolǵan.
«Atyraý qalasyndaǵy Azattyq dańǵyly boiynda ornalasqan dárihanalardyń biriniń terezesin yǵystyrý arqyly kirip, ASER noýtbýkty, dári-dárimekterdi qoldy etken azamat anyqtaldy. Kúdikti buryn birneshe ret urlyq qylmysymen sottalǵan. Qazir 1984 jylǵy kúdikti ustalyp, sotpen oǵan qatysty «kúzetpen ustaý» túrindegi bultartpaý sharasy sanktsiialandy», dep habarlady departamenttiń baspasóz qyzmeti.
Sotqa deiingi tergep-tekserý QR Qylmystyq Kodeksiniń 188-babynyń 3-bóligimen (Úi-jaiǵa zańsyz kirýimen jasalǵan urlyq) júrgizilýde. Eske sala ketelik, budan buryn sýǵa batqan jigitti aman alyp qalǵan politsei týraly jazǵanbyz.
