Atyraýda kóktaiǵaqtyń saldarynan bir kúnde 30-ǵa jýyq jol-kólik oqiǵasy tirkelip, bir jolaýshy aýrýhanaǵa tústi, dep habarlaidy QazAqparat.
Keshe, 24 qarashada qar jaýyp, aýa-raiy buzyldy. Meteorologiialyq jaǵdaidyń nasharlaýynan Atyraý qalasyndaǵy jolda 30-ǵa jýyq jol-kólik oqiǵasy tirkeldi.
«Júrgizýshilerdiń basym kópshiligi kóliginiń shanaǵyna qysqy dóńgelek ornatpaǵan. Bul ásirese, kóktaiǵaqta júrýdi qiyndatyp, jol-kólik oqiǵasyna uryndyrady. Máselen, 24 qarashada saǵat 14:30 shamasynda 1993 jylǵy júrgizýshi «Mercedes Benz» kóliginiń rýline ie bola almai, S.Beibarys dańǵylynda ornalasqan dúkenniń temir qorshaýyna soǵyldy. Al, saǵat 20:00 shamasynda«LADA-2114» kóligi S.Beibarys dańǵyly men Á.Moldaǵulova kóshesiniń qiylysynda solǵa burylý kezinde qarsy baǵytta kele jatqan «Toyota Alphard» kóligimen soqtyǵysty. Jol-kólik oqiǵasynyń saldarynan «LADA-2114» kóligindegi jolaýshy ártúrli dene jaraqatyn aldy» -dep habarlady departamenttiń baspasóz qyzmetinen.
Qazir 49 jastaǵy áiel oblystyq aýrýhananyń travmatologiia bólimine jatyr.
Atyraýlyq politseiler júrgizýshilerdi aýa-raiynyń kúrt sýytýyna bailanysty jol qaýipsizdigin qatań saqtaýǵa shaqyryp otyr.
