Atyraýda teledidar pýltiniń batareiasyn jutyp qoiǵan bir jasar sábidiń ómirin qutqarý múmkin bolmady, dep habarlaidy "Ult aqparat".
Oblystyq densaýlyq saqtaý basqarmasynyń habarlaýynsha, sábi aýyr jaǵdaida túsken. Ol qinalyp dem alǵan. Balanyń qandai da bir zatty jutyp qoiǵany anyqtaldy. Dárigerler ony otasyz ádispen shyǵarmaq bolǵan. Ókinishke orai, jutyp qoiǵan zaty úlkendeý bolǵandyqtan, ol ádis kómektespegen. Otanyń da kómegi timedi. 11 ailyq náresteniń tynys alýy nasharlap, júrek aqaýynan kóz jumdy.
Oblystyq densaýlyq saqtaý basqarmasy balanyń jutyp qoiǵan zaty batareia ekenin anyqtady.
