Atyraýda otbasynyń shyrqyn buzyp, áielin urǵan er adam 7 kúnge qamaldy, dep habarlaidy "Ult aqparat".
Atyraý qalasy politsiia basqarmasy áielderdi zorlyq-zombylyqtan qorǵaý tobynyń inspektory Nurgúl Sarsenovanyń aitýynsha, jyl basynan beri otbasy-turmys qatynasyna qatysty 700-den astam ákimshilik quqyq buzýshylyq tirkelgen.
«Otbasynyń tynyshtyǵyn buzǵandarǵa QR Ákimishilik quqyqbuzýshylyq týraly kodeksiniń 73-babymen (Otbasy-turmystyq qatynastar aiasyndaǵy quqyqqa qarsy áreketter) ákimshilik hattamalar toltyryldy. Sondai quqyq buzýshynyń biri – 35 jastaǵy turǵyn. Ol zańdy nekedegi áielin uryp-soǵyp, otbasynda janjal shyǵarǵan. Tekserý kezinde erli-zaiyptylar arasynda túsinispeýshilik oryn alǵany anyqtaldy» -deidi Nurgúl Sársenova.
Zaiybyna qol kótergen azamatqa qatysty Ákimshilik quqyqbuzýshylyq týraly kodekstiń 73-2 baby 1-1-bólimimen (uryp-soǵý, tán aýrýyna ushyratqan, biraq densaýlyqqa jeńil ziian keltirýge ákep soqpaǵan uryp-soǵý nemese ózge de kúsh qoldaný áreketterin jasaý) ákimshilik hattama toltyryldy. Sot sot sheshimimen 35 jastaǵy turǵyn 7 kúnge ákimshilik qamaýǵa alyndy.
