Atyraýda eki kólik apatynan 8 adam zardap shekti, dep habarlaidy "Ult aqparat".
Áleýmettik jelide Jylyoi aýdanyndaǵy «Teńiz-Qulsary» jolynda «PAZ» avtobýsy pen «KamAZ» kóliginiń soqtyǵysqany týraly video tarady. Aldyn ala málimetke sáikes, «KamAZ» kóligi qarsy jolaqqa shyqqan. Al, 11 jolaýshysy bar avtobýs aýdarylǵan.
«Jol-kólik apatynan 8 adam zardap shekti. Zardap shekkenderge meditsinalyq kómek kórsetildi. Avtobýstyń júrgizýshisi aýrýhanada jatyr. Qazir atalǵan derekke qatysty QR Qylmystyq Kodeksiniń 345-babynyń 1-bóligimen tergeý júrgizilýde», - dedi oblystyq politsiia departamentiniń baspasóz qyzmetinen.
