Atyraýda mamandandyrylǵan HQKO-da Armeniiadan ákelingen alǵashqy kólik tirkeldi, dep habarlaidy "Ult aqparat".
«EAEO elderinen ákelingen kólikti tirkeý úshin ieleri demalys kúnin tańdaidy. Búgin Atyraý oblystyq mamandandyrylǵan HQO-da Armeniia Respýblikasynan Qazaqstanǵa ákelingen alǵashqy kólik tirkeldi. Avtokólik ielerine qolaily bolýy úshin EAEO elderinen jetkizilgen temir tulparlardy tirkeitin avtoHQO demalys kúnderi de jumys istei beredi», - dep habarlady aimaqtyń PD baspasóz qyzmeti.
«Toiota Kamri» markaly avtokólik iesi – 29 jastaǵy Atyraý turǵyny.
«Men kólikti bir jyl buryn Armeniiadan alyp keldim, tirkeiin dep sheshtim. Búgin senbi, avtoHQO demalys kúnderi de jumys istei beretini óte qolaily. Bul jerde memlekettik baj salyǵyn tóledim, maǵan kólikti resmi túrde rásimdedi. Barlyq rásimdeý protsesi tez ótti. Endi meniń avtokóligim elde zańdy negizde tirkeýde tur», – dep túsindirdi Aslan Imanǵaliev.
