Atyraýda jalǵa alynǵan páterden erli-zaiyptylardyń máiiti tabyldy. Páterdi bir ai buryn jalǵa berilgeni anyqtaldy, dep habarlaidy QazAqparat.
Atyraý oblystyq politsiia departamentiniń baspasóz qyzmetinen málim etkendei, 25 shilde kúni saǵat 19:30 shamasynda 64 jastaǵy turǵyn politsiiaǵa shaǵym túsirgen.
«Atyraý qalasynyń turǵyny 1992 jyly týǵan qyzynyń páter esigin ashpai jatqanyn jetkizip, mekenjaiyn aitqan. Kórsetilgen mekenjaidaǵy ishinen kiltteýli turǵan páterdiń esigin ashý úshin oblystyq tótenshe jaǵdailar departamentiniń qyzmetkerleri shaqyryldy. Sol kezde páterdiń ishinen 1992 jylǵy áiel men 1996 jylǵy er adamnyń múrdesi tabyldy», - dep habarlady politsiia departamentiniń baspasóz qyzmeti.
Qazir politsiia qyzmetkerleri atalǵan derekke qatysty QR Qylmystyq kodekstiń 99-babynyń 1-bóligimen tergeý amalyn júrgizýdi bastady.
Qaitys bolǵandardyń erli-zaiypty ekeni anyqtaldy. Erli-zaiyptylardyń ortaq tórt balasy bar.
Atalǵan páterdi 1992 jylǵy áiel bir ai buryn jalǵa alǵan
