Atyraýdaǵy túrmeden 63 jastaǵy áiel 11 jyldan keiin shartty túrde bostandyqqa shyqty, dep habarlaidy "Ult aqparat".
Atyraý oblysy boiynsha Qylmystyq-atqarý júiesi departamenti baspasóz qyzmetinen málim etkendei, Rabiǵa esimdi áiel Taraz qalasynda esirtki satýmen ainalysqan. Ony politsiia qyzmetkerleri geroin satý kezinde ustaǵan. Al, sot úkimimen 15 jylǵa sottalyp, múlki tárkilengen. Sottalǵannan keiin jazasyn Qazaqstannyń ózge túrmelerinde ótep, keiin Atyraýdaǵy ÝG-157/11 mekemesine aýystyrylǵan.
«Alaida, QR Qylmystyq-protsessýaldyq Kodeksine sáikes jazasyn óteýshi 2021 jyldyń naýryz aiynda merziminen buryn shartty túrde bostandyqqa shyqty. Oǵan qajetti quqyqtyq-áleýmettik kómek kórsetilip, kútip alýǵa týystary shaqyryldy. Jazasyn óteý kezinde tártipti bolyp, quqyq buzýshylyqtarmen kózge túsken joq. Ol týraly málimet Jambyl oblysy boiynsha QAJD jiberildi» -deidi ÝG-157/11 mekemesi bastyǵynyń orynbasary Medet Adjikýlov.
Shartty túrde bostandyqqa shyqqan Rabiǵanyń aitýynsha, Tarazdaǵy úiine oralyp, týystarymen kezdesýdi kózdep otyr. Sodan keiin túrmede bolǵan kezde ómirden ótken týystarynyń rýhyna quran baǵyshtamaq.
«Túrmede ótken 11 jylda kóp nárseni joǵalttym. Jasaǵan qylmysyma ókinýmen boldym. Qartaiǵan kezimde nemere-shóberemdi oinatýdyń ornyna, qylmys jasadym. Mekeme qyzmetkerleri meni tárbielep, durys jolǵa saldy. Qalǵan ómirimdi tynysh ótkizgim keledi»,-deidi bostandyqqa shyqqan Rabiǵa.
Rabiǵa jasy ulǵaiǵandyqtan jumys istemeidi. Alaida oǵan qajetti kómekter kórsetiletin bolady.
