اتىراۋداعى تٷرمەدەن 63 جاستاعى ەيەل 11 جىلدان كەيٸن شارتتى تٷردە بوستاندىققا شىقتى, دەپ حابارلايدى "ۇلت اقپارات".
اتىراۋ وبلىسى بويىنشا قىلمىستىق-اتقارۋ جٷيەسٸ دەپارتامەنتٸ باسپاسٶز قىزمەتٸنەن مەلٸم ەتكەندەي, رابيعا ەسٸمدٸ ەيەل تاراز قالاسىندا ەسٸرتكٸ ساتۋمەن اينالىسقان. ونى پوليتسييا قىزمەتكەرلەرٸ گەروين ساتۋ كەزٸندە ۇستاعان. ال, سوت ٷكٸمٸمەن 15 جىلعا سوتتالىپ, مٷلكٸ تەركٸلەنگەن. سوتتالعاننان كەيٸن جازاسىن قازاقستاننىڭ ٶزگە تٷرمەلەرٸندە ٶتەپ, كەيٸن اتىراۋداعى ۋگ-157/11 مەكەمەسٸنە اۋىستىرىلعان.
«الايدا, قر قىلمىستىق-پروتسەسسۋالدىق كودەكسٸنە سەيكەس جازاسىن ٶتەۋشٸ 2021 جىلدىڭ ناۋرىز ايىندا مەرزٸمٸنەن بۇرىن شارتتى تٷردە بوستاندىققا شىقتى. وعان قاجەتتٸ قۇقىقتىق-ەلەۋمەتتٸك كٶمەك كٶرسەتٸلٸپ, كٷتٸپ الۋعا تۋىستارى شاقىرىلدى. جازاسىن ٶتەۋ كەزٸندە تەرتٸپتٸ بولىپ, قۇقىق بۇزۋشىلىقتارمەن كٶزگە تٷسكەن جوق. ول تۋرالى مەلٸمەت جامبىل وبلىسى بويىنشا قاجد جٸبەرٸلدٸ» -دەيدٸ ۋگ-157/11 مەكەمەسٸ باستىعىنىڭ ورىنباسارى مەدەت ادجيكۋلوۆ.
شارتتى تٷردە بوستاندىققا شىققان رابيعانىڭ ايتۋىنشا, تارازداعى ٷيٸنە ورالىپ, تۋىستارىمەن كەزدەسۋدٸ كٶزدەپ وتىر. سودان كەيٸن تٷرمەدە بولعان كەزدە ٶمٸردەن ٶتكەن تۋىستارىنىڭ رۋحىنا قۇران باعىشتاماق.
«تٷرمەدە ٶتكەن 11 جىلدا كٶپ نەرسەنٸ جوعالتتىم. جاساعان قىلمىسىما ٶكٸنۋمەن بولدىم. قارتايعان كەزٸمدە نەمەرە-شٶبەرەمدٸ ويناتۋدىڭ ورنىنا, قىلمىس جاسادىم. مەكەمە قىزمەتكەرلەرٸ مەنٸ تەربيەلەپ, دۇرىس جولعا سالدى. قالعان ٶمٸرٸمدٸ تىنىش ٶتكٸزگٸم كەلەدٸ»,-دەيدٸ بوستاندىققا شىققان رابيعا.
رابيعا جاسى ۇلعايعاندىقتان جۇمىس ٸستەمەيدٸ. الايدا وعان قاجەتتٸ كٶمەكتەر كٶرسەتٸلەتٸن بولادى.
