Foto: Pexels
Atyraýda 57 jastaǵy áiel azamattyq nekedegi kúieýin pyshaqtap óltirdi, dep habarlaidy Kazinform.
Oblystyq Politsiia departamentiniń baspasóz qyzmetinen málim etkendei, oqiǵa keshe, 20 jeltoqsanda bolǵan.
«Jergilikti ýaqytpen saǵat 18:50 shamasynda 40 jastaǵy áiel habarlasyp, óz anasy azamattyq nekedegi kúieýiniń ishine as úi pyshaǵymen jaraqat salǵanyn aitty. Oqiǵa ornyna jedel jetken politseiler otbasylyq janjal saldarynan 57 jastaǵy áiel 27 jastaǵy er adamdy as úi pyshaǵymen jaraqattaǵanyn anyqtady. Saldarynan ol kóz jumdy», – dep habarlady departamenttiń baspasóz qyzmetinen.
Qazir atalǵan derek boiynsha QR Qylmystyq kodeksiniń 99-baby 1-bóligimen (Adam óltirý, iaǵni basqa adamdy quqyqqa qarsy qasaqana qazaǵa ushyratý) sotqa deiingi tergeý amaldary bastaldy. Sot-meditsinalyq saraptama taǵaiyndaldy.
«Azamattyq nekedegi erli-zaiyptynyń otbasynda buǵan deiin birneshe ret janjal bolǵan. 27 jastaǵy er adamnyń qańtar jáne sáýir aiynda 2 márte ákimshilik qamaýǵa alynǵany anyqtaldy», – dep naqtylady vedomstvodan.
