Tegin qosymshaǵa 9 myńnan asa qalanyń áleýmettik, mádeni, turǵyn úi jáne biznes nysandary kirdi, dep habarlaidy Atyraý oblysynyń Óńirlik kommýnikatsiialar qyzmeti.
Bul týraly ÓKQ-de ótken baspasóz jiynynda "2GIS" aqparattyq ortalyǵynyń kommertsiialyq direktory Timýr Faizýllin jáne tutynýshylarmen jumys boiynsha direktordyń orynbasary Áli Musaǵaliev málimdedi.
- Mobildi qosymsha aǵymdaǵy jyldyń 1 naýryzynan bastap iske qosyldy. Bizdiń qyzmetkerler uiymdar týraly aqpartty jinap, olardy birińǵai kartaǵa engizedi. Qalamyzdyń ósip, damyp, shaǵyn jáne orta kásip nysandarynyń kóbeiip jatqanyn eskerý kerek. Sondyqtan, ár ai saiyn ózgerister engizilip otyratyn bolady. Barlyq aqparat tegin ornalastyrylady,- deidi Timýr Faizýllin.
Spikerlerdiń aitýynsha, "2GIS" qosymshasynyń Atyraýdaǵy filialynda 10 qyzmetker jumys isteidi, qalany tolyq bilý úshin olarǵa 4 ai qajet boldy.
- Sondai-aq, mobildi qosymshada qalalyq qoǵamdyq kóliktiń qozǵalysyndaǵy 23 marshrýttyń baǵyty engizilgen. Bul da naqty san emes, jańartýǵa sai sany da ósedi. Qosymsha oflain rejiminde jumys isteitini mańyzdy emes - qajetti meken-jai nemese mekemeni ǵalamtorǵa qosylmai-aq tabýǵa bolady,- deidi Áli Musaǵaliev.
