تەگٸن قوسىمشاعا 9 مىڭنان اسا قالانىڭ ەلەۋمەتتٸك, مەدەني, تۇرعىن ٷي جەنە بيزنەس نىساندارى كٸردٸ, دەپ حابارلايدى اتىراۋ وبلىسىنىڭ ٶڭٸرلٸك كوممۋنيكاتسييالار قىزمەتٸ.
بۇل تۋرالى ٶكق-دە ٶتكەن باسپاسٶز جيىنىندا "2GIS" اقپاراتتىق ورتالىعىنىڭ كوممەرتسييالىق ديرەكتورى تيمۋر فايزۋللين جەنە تۇتىنۋشىلارمەن جۇمىس بويىنشا ديرەكتوردىڭ ورىنباسارى ەلي مۇساعاليەۆ مەلٸمدەدٸ.
- موبيلدٸ قوسىمشا اعىمداعى جىلدىڭ 1 ناۋرىزىنان باستاپ ٸسكە قوسىلدى. بٸزدٸڭ قىزمەتكەرلەر ۇيىمدار تۋرالى اقپارتتى جيناپ, ولاردى بٸرٸڭعاي كارتاعا ەنگٸزەدٸ. قالامىزدىڭ ٶسٸپ, دامىپ, شاعىن جەنە ورتا كەسٸپ نىساندارىنىڭ كٶبەيٸپ جاتقانىن ەسكەرۋ كەرەك. سوندىقتان, ەر اي سايىن ٶزگەرٸستەر ەنگٸزٸلٸپ وتىراتىن بولادى. بارلىق اقپارات تەگٸن ورنالاستىرىلادى,- دەيدٸ تيمۋر فايزۋللين.
سپيكەرلەردٸڭ ايتۋىنشا, "2GIS" قوسىمشاسىنىڭ اتىراۋداعى فيليالىندا 10 قىزمەتكەر جۇمىس ٸستەيدٸ, قالانى تولىق بٸلۋ ٷشٸن ولارعا 4 اي قاجەت بولدى.
- سونداي-اق, موبيلدٸ قوسىمشادا قالالىق قوعامدىق كٶلٸكتٸڭ قوزعالىسىنداعى 23 مارشرۋتتىڭ باعىتى ەنگٸزٸلگەن. بۇل دا ناقتى سان ەمەس, جاڭارتۋعا ساي سانى دا ٶسەدٸ. قوسىمشا وفلاين رەجيمٸندە جۇمىس ٸستەيتٸنٸ ماڭىزدى ەمەس - قاجەتتٸ مەكەن-جاي نەمەسە مەكەمەنٸ عالامتورعا قوسىلماي-اق تابۋعا بولادى,- دەيدٸ ەلي مۇساعاليەۆ.
