Atyraýlyq politseiler kópirden sekirgen 23 jastaǵy azamatshany qutqaryp qaldy, - dep habarlaidy "Ult aqparat" Polisia.kz-ke silteme jasap.
26 sáýir saǵat 15:48 shamasynda Jedel basqarý ortalyǵy qyzmetkerleri jaiaý júrginshiler kópirinen sekirmekshi bolǵan qyzdy baiqap, dereý patrýldik politsiia qyzmetkerleri men Balyq qoryna qylmystyq qol suǵýshylyqqa qarsy kúres bólimine baǵyttama bergen.
Sýǵa sekirip óz-ózine qol jumsamaq bolǵan 2000 jyly týǵan qyzdy politsiia qyzmetkerleri Maksim Rahmidenov pen Muratbek Beleken qaiyqqa shyǵarǵan. Olarǵa kómekke Nurtai Jumabaev pen Jetkinshek Imanǵaliev kelgen.
Politseiler sýdyń qatty aǵysyna qaramastan, qyzdy 7 minýt ishinde qutqarǵan. Keiin ol TJD-niń alǵashqy meditsinalyq kómek kórsetetin qyzmetkerlerine tapsyrylǵan.
