Atyraýda 16 qabatty úide elektr kabelderi janyp, turǵyndar evakýatsiialandy, - dep habarlaidy QR Ishki ister ministrligi Tótenshe jaǵdailar komiteti.
«22 qańtar kúni saǵat 02.46-da Atyraý qalasynyń «101» pýltine Almagúl shaǵynaýdanyndaǵy 16 qabattty turǵyn úide órt shyqqany týraly habar tústi. Oqiǵa ornyna jetken qutqarýshylar 9-dan 12-inshi qabat aralyǵyndaǵy kabeldi kanalda elektr symdary janyp jatqanyn anyqtady. Órt sóndirýshiler turǵyndardy evakýatsiialaýǵa jáne jalyndy sóndirýge dereý kiristi. Máselen, saty arqyly 10 adam qutqaryldy, onyń 4-eýi – balalar. 25 adam evakýatsiialandy, onyń ishinde 8-i – balalar», - dedi TJK-niń resmi ókili Nursultan Nurahmetov
Tilsiz jaý 03.40-ta tolyǵymen aýyzdyqtaldy. Jalyn 8 sharshy metr aýmaqty sharpyǵan. Atap ótilgendei, qaza bolǵandar men zardap shekkender joq.
Órtti sóndirýge Atyraý oblystyq TJD-nyń jeke quramynyń 21 adamy men 4 tehnikasy jumyldyryldy.
