Atyraý oblysynda 1 mlrd tekshe metr gazdy keshendi daiyndaý qondyrǵysy salynyp jatyr, dep habarlaidy QazAqparat.
Qondyrǵy qurylysy Atyraý qalasynan 60 shaqyrym qashyqta, Maqat aýdanynda qolǵa alynǵan. Onda Kaspii teńizindegi «Qashaǵan» ken ornynan óndiriletin 1 mlrd tekshe metr gazdy keshendi daiyndaý josparlanǵan.
«Qazir Eskene eldi mekeniniń mańynda ornalasqan nysan qurylysyn «GPC Investment» JShS júrgizýdi qolǵa aldy. Qurylys jumystaryna 2 500 adam tartyldy. Joba iske qosylǵan kezde 450 adam turaqty jumysqa ornalasady. Qurylys jumystary 2023 jyly aiaqtalady», -dep málim etti Maqat aýdanynyń ákimi Shákir Keikin.
