Atyraýda Senattyń ekonomikalyq saiasat, innovatsiialyq damý jáne kásipkerlik komitetiniń kóshpeli otyrysy ótti. Oǵan oblys basshylyǵy men kásipkerlik sektor ókilderi qatysty, dep habarlaidy "Ult aqparat".
Senat depýtattary aldymen jún ónimderin shyǵaratyn «Caspiy Lana Atyrau» JShS ieligindegi fabrikanyń jumysymen tanysty. Bul fabrikada qoi jáne túie júninen kórpe tigiledi. Alaida, direktor Nazgúl Esmahanovanyń aitýynsha, ónimdi shyǵarý men shikizat jetkizýdegi qiyndyqqa bailanysty fabrika óz qýatynyń 30 paiyzyn ǵana paidalanýda.
«Memlekettik tapsyrysqa qatysty máseleler jetkilikti. Eger memlekettik tapsyrysqa ǵana senim artyp otyra bersek, biznes órkendemeidi. Bir biznesmen óziniń 15 keremet jobasy bar ekenin, biraq ony júzege asyratyn qarjynyń joqtyǵyn aitty. Oǵan investordy memleket taýyp berýi kerek. Budan is óne me? Jalpy qoldaý kórsetýdiń túri bar. Biraq, bul siz úshin bireý jumys isteidi degen sóz emes. Jalpy, zańnamalyq qujattarǵa birqatar ózgeris engizetin ýaqyt keldi. Osyǵan qatysty óńirlerde kezdesýler ótkizip, usynys-pikirlerdi saralap kelemiz. Birge jumys istep, máseleni birge shesheiik. Bizge dialog kerek», - dedi Senattyń Ekonomikalyq saiasat, innovatsiialyq damý jáne kásipkerlik komitetiniń kóshpeli otyrysyn qorytyndylaǵan Serik Jaqsybekov.
