Atyraýda 32 jastaǵy azamat bekire tuqymdas balyqpen ustaldy, dep habarlaidy "Ult aqparat".
«2019 jyldyń 3 qarashasynyń saǵat 21.30-da «Bekire» profilaktikalyq is-sharasy aiasynda Atyraý oblysy Politsiia departamentiniń balyq qorlaryna qylmystyq qol suǵýshylyqqa qarsy kúres bóliminiń qyzmetkerleri, Baimuhanov kóshesinde, 32-jastaǵy Atyraý oblysy, Isatai aýdany turǵynynyń basqarýyndaǵy«Lada Granta» avtokóligin toqtatty. Tekserý kezinde jalpy salmaǵy 120 keliden astam 45 dana bekire tuqymdas balyqtar tabylyp, tárkilendi», - dep habarlady Atyraý oblysy Politsiia departamentiniń baspasóz qyzmetinen.
Sondai-aq, politsiia qyzmetkerleri júrgizýshiniń úiinde tintý júrgizý kezinde torlar men «Baida» júzý quralyn tapqan.
Atalǵan derek boiynsha Qazaqstan Respýblikasynyń Qylmystyq kodeksiniń 339-babymen «Balyq resýrstaryn, basqa da sý janýarlary men ósimdikterin zańsyz alý» boiynsha sotqa deiingi tergeý bastaldy.
