اتىراۋدا 32 جاستاعى ازامات بەكٸرە تۇقىمداس بالىقپەن ۇستالدى, دەپ حابارلايدى "ۇلت اقپارات".
«2019 جىلدىڭ 3 قاراشاسىنىڭ ساعات 21.30-دا «بەكٸرە» پروفيلاكتيكالىق ٸس-شاراسى اياسىندا اتىراۋ وبلىسى پوليتسييا دەپارتامەنتٸنٸڭ بالىق قورلارىنا قىلمىستىق قول سۇعۋشىلىققا قارسى كٷرەس بٶلٸمٸنٸڭ قىزمەتكەرلەرٸ, بايمۇحانوۆ كٶشەسٸندە, 32-جاستاعى اتىراۋ وبلىسى, يساتاي اۋدانى تۇرعىنىنىڭ باسقارۋىنداعى«Lada Granta» اۆتوكٶلٸگٸن توقتاتتى. تەكسەرۋ كەزٸندە جالپى سالماعى 120 كەلٸدەن استام 45 دانا بەكٸرە تۇقىمداس بالىقتار تابىلىپ, تەركٸلەندٸ», - دەپ حابارلادى اتىراۋ وبلىسى پوليتسييا دەپارتامەنتٸنٸڭ باسپاسٶز قىزمەتٸنەن.
سونداي-اق, پوليتسييا قىزمەتكەرلەرٸ جٷرگٸزۋشٸنٸڭ ٷيٸندە تٸنتۋ جٷرگٸزۋ كەزٸندە تورلار مەن «بايدا» جٷزۋ قۇرالىن تاپقان.
اتالعان دەرەك بويىنشا قازاقستان رەسپۋبليكاسىنىڭ قىلمىستىق كودەكسٸنٸڭ 339-بابىمەن «بالىق رەسۋرستارىن, باسقا دا سۋ جانۋارلارى مەن ٶسٸمدٸكتەرٸن زاڭسىز الۋ» بويىنشا سوتقا دەيٸنگٸ تەرگەۋ باستالدى.
