Atyraý oblysynyń 46 jastaǵy turǵyny 1 kelige jýyq esirtkimen ustaldy, dep habarlaidy QazAqparat.
Oblystyq politsiia departamentiniń baspasóz qyzmetinen málim etkendei, 18 qarasha kúni Qurmanǵazy aýdandyq politsiia bóliminiń qyzmetkerleri iri kólemde esirtki saqtaý deregin anyqtaǵan.
«Qurmanǵazy aýdanynyń 46 jastaǵy turǵyny óziniń úiinde esirtki shóbin keptirip, zańsyz saqtaǵan. Kúdiktiniń turǵylyqty meken-jaiyn tekserý kezinde 1 kelige jýyq marihýanna, arnaiy kesilip daiyndalǵan ydys tárkilendi. Kúdikti óz kinásin tolyq moiyndady» - dep habarlady departamenttiń baspasóz qyzmeti.
Atalǵan derekke qatysty QR Qylmystyq kodeksiniń 296-babynyń 3-bóligimen (Iri mólsherde esirtki, psihotroptyq zattardy, sol tektesterdi ótkizý maqsatynsyz zańsyz daiyndaý, qaita óńdeý, iemdený, saqtaý, tasymaldaý) sotqa deiingi tergeý bastaldy.
