اتىراۋ وبلىسىنىڭ 46 جاستاعى تۇرعىنى 1 كەلٸگە جۋىق ەسٸرتكٸمەن ۇستالدى, دەپ حابارلايدى قازاقپارات.
وبلىستىق پوليتسييا دەپارتامەنتٸنٸڭ باسپاسٶز قىزمەتٸنەن مەلٸم ەتكەندەي, 18 قاراشا كٷنٸ قۇرمانعازى اۋداندىق پوليتسييا بٶلٸمٸنٸڭ قىزمەتكەرلەرٸ ٸرٸ كٶلەمدە ەسٸرتكٸ ساقتاۋ دەرەگٸن انىقتاعان.
«قۇرمانعازى اۋدانىنىڭ 46 جاستاعى تۇرعىنى ٶزٸنٸڭ ٷيٸندە ەسٸرتكٸ شٶبٸن كەپتٸرٸپ, زاڭسىز ساقتاعان. كٷدٸكتٸنٸڭ تۇرعىلىقتى مەكەن-جايىن تەكسەرۋ كەزٸندە 1 كەلٸگە جۋىق ماريحۋاننا, ارنايى كەسٸلٸپ دايىندالعان ىدىس تەركٸلەندٸ. كٷدٸكتٸ ٶز كٸنەسٸن تولىق مويىندادى» - دەپ حابارلادى دەپارتامەنتتٸڭ باسپاسٶز قىزمەتٸ.
اتالعان دەرەككە قاتىستى قر قىلمىستىق كودەكسٸنٸڭ 296-بابىنىڭ 3-بٶلٸگٸمەن (ٸرٸ مٶلشەردە ەسٸرتكٸ, پسيحوتروپتىق زاتتاردى, سول تەكتەستەردٸ ٶتكٸزۋ ماقساتىنسىز زاڭسىز دايىنداۋ, قايتا ٶڭدەۋ, يەمدەنۋ, ساقتاۋ, تاسىمالداۋ) سوتقا دەيٸنگٸ تەرگەۋ باستالدى.
