Atyraý oblysynyń Reseimen shekaradaǵy Qurmanǵazy aýdanynda snariadtyń qaldyǵy tabyldy, dep habarlaidy QazAqparat.
Oblystyq tótenshe jaǵdailar departamenti baspasóz qyzmetiniń málimetinshe, 21 tamyzda saǵat 12:45-te snariad tabylǵan.
«Qurmanǵazy aýdanyndaǵy «Sazdy» shekara zastavasynan 103 shaqyrym qashyqta zymyrandyq qozǵaltqyshy bar aviatsiialyq snariadtyń bólikteri tabyldy. Arnaiy mamandar Resei Federatsiiasynyń «Kapýstin IaR», «Akshýlýk» synaq poligondaryna irgeles aýmaqtaǵy oqiǵa ornynda tekserý júrgizdi. Qazir aviatsiialyq snariadtyń bólikteri tabylǵan aýmaqta kúzet kúsheitildi. Bógde adamdardyń jaqyndaýyna tyiym salyndy. Zardap shekkender joq» dep habarlady departamenttiń baspasóz qyzmeti.
