Atyraý oblysynyń ákimi Mahambet Dosmuhambetov Facebook jáne Instagram jelilerinde jeke paraqshasyn ashty. Ákim bul týraly óńir turǵyndaryna esep berý kezinde málim etti, dep habarlaidy QazAqparat tilshisi.
Aimaq basshysy Facebook-te alǵashqy jazbasyn da jariialap, budan-bylai halyqpen tikelei bailanysta bolatynyn atap ótken.
«Qurmetti Atyraý oblysynyń turǵyndary! Facebook jáne Instagram áleýmettik jelisinde jeke paraqshamdy ashtym. Sebebi, jańa media sózsiz, jańa dáýirdiń tiimdi bailanys quralynyń birine ainaldy. Tilin bilse, áleýmetke paidasy kóp áleýmettik jelini biz de igiligimizge jaratýymyz kerek. Sondyqtan, munda jasap jatqan jumystarymyz jaily, oblysymyzdyń tynys-tirshiligi men aimaqtaǵy aitýly jańalyqtardy bólisip otyramyn. Bul paraqshany sizdermen tikelei bailanys ornatý úshin de taptyrmas múmkindik dep sanaimyn», - dep jazdy Mahambet Dosmuhambetov.
