Atyraý oblysynda aýlanǵan balyqtyń 88 paiyzy eksportqa jiberiledi, dep habarlaidy QazAqparat.
Bul týraly aimaq ákimi Mamahmbet Dosmuhambetov Ortalyq kommýnikatsiialar qyzmetinde ótken brifingide aitty.
«Oblysta balyq aýlaýmen jáne óńdeýmen 16 kásiporyn ainalysady. Shabaq pen bekire ósiretin 2 zaýyt jumys isteidi. Jyl basynan beri 10 myń tonnadan asa balyq aýlandy. Bul 2020 jyldyń sáikes kezeńimen salystyrǵanda 56% artyq. 9 myń tonna qaita óńdeldi. Onyń 88%-y eksportqa jiberildi», - degen aimaq basshysy óńirde meditsinalyq kadr tapshylyǵy qalai rettelip jatqanyn baiandady.
«Densaýlyq saqtaý infraqurylymyn damytý aiasynda 2021 jyly 4 nysan salyndy. 6 nysannyń qurylysy júrip jatyr. Meditsinalyq jabdyqtardy jańartýǵa 2 mlrd teńge baǵyttaldy. Sonyń arqasnyda meditsinalyq jabdyqtarmen qamtamasyz etý 78%-ten 91%-ke artty. Biyl meditsina salasy mamandarynyń tapshylyǵyn tómendetý úshin óńirge 71 jas maman tartyldy, Onyń 21-i aýyldarǵa jiberildi. Sonymen qatar, sońǵy 3 jylda meditsinalyq mamandyqtar boiynsha oqý granttarynyń sany 54-ten 71-ge deiin ulǵaittyq», - dedi Mahambet Dosmuhambetov.
