Atyraý oblysynda taǵy da balyq qyryldy, dep habarlaidy "Ult aqparat".
Balyq sharýashylyǵy komitetiniń baspasóz qyzmetinen málim etkendei, keshe, 24 shildede Qurmanǵazy aýdanynda Darhan ózeginiń Nurjaý aýyldyq okrýgine qarasty bóliginde balyqtyń qyrylý qaýpi bar aimaq anyqtalǵan.
«Osyǵan orai múddeli mekemeler men Nurjaý, Jańatalap aýyldyq okrýgterdiń ákimdikterine habarlanyp, aimaqqa «Tilekshi» JShS-niń shabaq qutqarý tobynyń jumysshylary shaqyryldy. Sondai-aq, «Kaspii tańy» ÓK, «Kaspii balyq» ÓK, «Tilekshi» JShS, «LTD Sh. Sýleimenov» JShS, «E.Sarsenbaev» ShQ, «Amangeldi atyndaǵy» JShS jumysshylary men Nurjaý, Jańatalap aýyldyq okrýgi ákimdikteri apparatynyń tehnikalary jumyldyrylyp, ózek boiy shóp pen baldyrlardan tazartý jumystary júrgizildi. Nátijesinde shamamen 100 tekshe metr shóp shabyldy» - dep habarlady komitettiń baspasóz qyzmeti.
Atalǵan aimaqtan ólgen 120 keli alabuǵa men 55 keli shortan balyǵynyń óleksesi sanitarlyq normalarǵa sai joiylǵan. Oqiǵa ornynan balyqtar men sý quramasynyń synamalaryn alynǵan.
Qaýipti aimaqtan usaq balyqtardyń 3 mln balyq shabaǵy qutqarylyp, Sharon ózenine jiberildi.
