اتىراۋ وبلىسىندا تاعى دا بالىق قىرىلدى, دەپ حابارلايدى "ۇلت اقپارات".
بالىق شارۋاشىلىعى كوميتەتٸنٸڭ باسپاسٶز قىزمەتٸنەن مەلٸم ەتكەندەي, كەشە, 24 شٸلدەدە قۇرمانعازى اۋدانىندا دارحان ٶزەگٸنٸڭ نۇرجاۋ اۋىلدىق وكرۋگٸنە قاراستى بٶلٸگٸندە بالىقتىڭ قىرىلۋ قاۋپٸ بار ايماق انىقتالعان.
«وسىعان وراي مٷددەلٸ مەكەمەلەر مەن نۇرجاۋ, جاڭاتالاپ اۋىلدىق وكرۋگتەردٸڭ ەكٸمدٸكتەرٸنە حابارلانىپ, ايماققا «تٸلەكشٸ» جشس-نٸڭ شاباق قۇتقارۋ توبىنىڭ جۇمىسشىلارى شاقىرىلدى. سونداي-اق, «كاسپيي تاڭى» ٶك, «كاسپيي بالىق» ٶك, «تٸلەكشٸ» جشس, «لتد ش. سۋلەيمەنوۆ» جشس, «ە.سارسەنباەۆ» شق, «امانگەلدٸ اتىنداعى» جشس جۇمىسشىلارى مەن نۇرجاۋ, جاڭاتالاپ اۋىلدىق وكرۋگٸ ەكٸمدٸكتەرٸ اپپاراتىنىڭ تەحنيكالارى جۇمىلدىرىلىپ, ٶزەك بويى شٶپ پەن بالدىرلاردان تازارتۋ جۇمىستارى جٷرگٸزٸلدٸ. نەتيجەسٸندە شامامەن 100 تەكشە مەتر شٶپ شابىلدى» - دەپ حابارلادى كوميتەتتٸڭ باسپاسٶز قىزمەتٸ.
اتالعان ايماقتان ٶلگەن 120 كەلٸ الابۇعا مەن 55 كەلٸ شورتان بالىعىنىڭ ٶلەكسەسٸ سانيتارلىق نورمالارعا ساي جويىلعان. وقيعا ورنىنان بالىقتار مەن سۋ قۇراماسىنىڭ سىنامالارىن الىنعان.
قاۋٸپتٸ ايماقتان ۇساق بالىقتاردىڭ 3 ملن بالىق شاباعى قۇتقارىلىپ, شارون ٶزەنٸنە جٸبەرٸلدٸ.
