Búgin keshke Jaiyq ózeninen Mahambet aýdany ákiminiń denesi tabyldy, - dep habarlaidy Massaget.kz.
Quzyrly organdar osy derek boiynsha tekseris júrgizip jatyr. Rinat Janqylysh 2021 jylǵy aqpanda Mahambet aýdanynyń ákimi bolyp taǵaiyndalǵan bolatyn.
"Rinat Baýyrjanuly óz isiniń kásibi mamany retinde áriptesteriniń esinde qalady. Atyraý oblysynyń ákimi, barsha áriptester Rinat Baýyrjanulynyń mezgilsiz dúnieden ótýine orai marqumnyń otbasy men jaqyndaryna qaiǵyryp kóńil aitady", - delingen habarlamada.
Eske salaiyq, buǵan deiin Atyraý oblysynda Mahambet aýdanynyń ákimi Rinat Janqylysh sýǵa batyp ketkeni habarlanǵan bolatyn. Keiinirek izdeý jumystaryna eki súńgýir brigada, eki kater jáne bir motor qaiyǵy jumyldyrylǵany belgili boldy.
