Atyraý oblysy aýmaǵynda shekteý sharalary 31 tamyzǵa deiin uzartyldy. Bul týraly búgin oblystyń bas memlekettik sanitarlyq dárigeri Qanat Ǵainedenov qol qoiǵan arnaiy qaýlyda aitylǵan, dep habarlaidy "Ult aqparat".
«Atyraý oblysynyń aýmaǵynda 2020 jylǵy 17 tamyz saǵat 00:00-den 31 tamyz saǵat 00.00-ge deiin shekteý sharalary uzartylsyn. Bes jasqa deiingi balalardy, qoǵamdyq tamaqtaný oryndarynda tamaqtaný jaǵdailaryn, jeke jáne 5 adamnan aspaityn toptyq sportpen ainalysatyn adamdardy qospaǵanda, áleýmettik qashyqtyqty mindetti túrde saqtai otyryp, qoǵamdyq oryndarda, qoǵamdyq transportta, halyqqa qyzmet kórsetý jáne demalýǵa arnalǵan ǵimarattarda, ashyq aýada meditsinalyq nemese mata betperdelerin kiiý mindetti» -delingen qujatta.
Qaýlyǵa sáikes, Atyraý oblysynyń aýmaǵynda mynadai shekteý sharalary uzartylyp otyr. Turǵyndar men avtokólikter qozǵalysyna saǵat 23.00 den 6.00 aralyǵynda júrýine, dýmandy, aýqymdy sport sharalary, kórme, forým, konferentsiia, sondai-aq, otbasylyq, eske alý (banket, toi, mereitoi, as berý), onyń ishinde úide jáne adamdar kóp jinalatyn ózge de sharalardyń ótkizilýine, oiyn-saýyq ortalyqtarynyń (biliard, kompiýterlik klýb, qorqor , býkmekerlik keńseler, túngi klýbtar, boýling ortalyqtar, kinoteatrlar jáne basqa da oiyn-saýyq mekemeleriniń), barlyq mádeni nysandar (teatrlar, kontserttik zaldar, murajai, kórmeler jáne t.b.), fýdkort, banket zaldary, bar, karaoke, qoǵamdyq jaǵajailardyń, akvaparkterdiń, basseinderdiń qyzmetine tyiym salynyp otyr.
