Atyraý oblysynyń birneshe aýdanynda erigen qar sýyn sorý jumystary júrgizildi, - dep habarlaidy Tengrinews.kz tilshisi oblystyń Tótenshe jaǵdailar departamentine silteme jasap.
Tótenshe jaǵdailar departamenti málimetinshe, Qyzylqoǵa aýdanynda Miialy aýylyndaǵy Qarabalin jáne Aqqýov kósheleri boiynda erigen qar sýyn sorý boiynsha jedel-qutqarý jumystary, arnaiy tehnikamen erigen sýdy sorý jumystary 26 aqpan saǵat 19.19-ǵa deiin júrgizildi. Barlyǵy 280 tekshe metr sý sorylǵan.
Qutqarý jumystaryna oblystyń Tótenshe jaǵdailar departamentiniń bes qyzmetkeri, jergilikti atqarýshy organnyń 6 qyzmetkeri jáne 2 tehnika, 2 motopompa jumyldyrylǵan.
Sondai-aq, TJD málimetinshe, Inder aýdanynda sý sorý jumystary júrgizilgen.
"Inder aýdany Inderbor kentiniń Astana kóshesi boiynda 30 santimetr bolatyn erigen qar sýlaryn sorý jumystary saǵat 20.45-ke deiin júrgizildi. Barlyǵy 110 kýb metr sý soryldy", - delingen habarlamada.
Jarsýat aýylynyń Qaziev kóshesi boiyna jinalǵan 25-30 santimetr bolatyn erigen qar sýlaryn arnaiy sý sorý tehnikasymen aýyl syrtyna shyǵarý jumystary Aýdandyq ákimshilik qyzmetkerleri kúshimen saǵat 20.45-ke deiin júrgizildi. Barlyǵy 78 kýb metr sý sorylǵan.
