Atyraý oblystyq Densaýlyq saqtaý basqarmasy kóshedegi dárethanaǵa tastalǵan náresteniń jáne keiinnen tabylǵan onyń anasynyń jaǵdaiyn aitty, dep habarlaidy QazAqparat.
Oblystyq Densaýlyq saqtaý basqarmasy baspasóz qyzmetiniń aqparatyna súiensek, 3 qazanda kóshedegi dárethanadan tabylǵan shaqalaq Inder aýdandyq aýrýhanasynyń bosaný bóliminde jatyr.
«Náresteniń jynysy – er. Bala aýrýhanaǵa túskenge deiin sýyqtap qalǵan. Dárigerler náresteniń ómirin saqtap qalý úshin meditsinalyq em-dom sharalaryn júrgizdi. Qazir balanyń jaǵdaiy turaqty, alaida, ortasha aýyr dep baǵalanyp otyr. Al, náresteniń anasy – Inder aýdanynyń 1990 jylǵy turǵyny aýdandyq aýrýhananyń bosanýdan keiingi bólimine jatqyzyldy. Qazir jańa týǵan shaqalaq ta, anasy da dárigerlerdiń baqylaýyna alyndy. Olarǵa qajetti emdeý sharasy kórsetilip jatyr», - dep habarlady basqarmanyń baspasóz qyzmetinen.
Oblystyq Politsiia departamenti QR Qylmystyq kodeksiniń 119-baby 1-bóligimen (Qaýipti jaǵlaida qaldyrý) qylmystyq is qozǵady. Sotqa deiingi tergeý bastaldy.
