Atyraý oblysynda jeńil kólik 24 qoidy qaǵyp ketti, dep habarlaidy QazAqparat.
Oblystyq Politsiia departamenti baspasóz qyzmetiniń málimetinshe, oqiǵa búgin, 25 shildede bolǵan.
Saǵat 6:30 shamasynda «Atyraý-Aqtóbe» tasjolynyń 400-shaqyrymyndaǵy Janterek eldi mekeniniń tusynda RAVON R4 júrgizýshisi 24 bas qoidy qaǵyp ketti.
Baqtashy maldy joldyń belgilenbegen jerinen óriske aidap ótpek bolǵan. Sonyń saldarynan 1 mln 200 myń teńgeniń materialdyq shyǵyny kelgen.
«Jeke tulǵalardyń múlkine zalal keltirgeni úshin qoi baǵýǵa shyqqan adamǵa quqyq buzýshy retinde QR Ákimshilik quqyqbuzýshylyq týraly kodeksiniń 408-babynyń 2-bóligimen ákimshilik hattama toltyryldy», - delingen politsiia habarlamasynda.
Budan buryn Atyraý oblysynda júk poiyzy 20 qoi-eshkini basyp ketkenin habarlaǵan edik.
Júk poiyzynyń mashinisi «Qiǵash-Atyraý» ýchaskesindegi №15 razezde temir jol ústinde júrgen qoi-eshkilerdi baiqap, shuǵyl tejeý ádisin qoldanǵan. Alaida oqiǵanyń aldyn alý múmkin bolmaǵan.
Poiyz 16 qoi men 4 eshkini basyp ketti. Júk poiyzy osynyń saldarynan 12 minýt májbúrli túrde toqtap turdy. Poiyz astyna túsken maldyń iesi Isatai aýdanyndaǵy Aqqystaý aýylynyń turǵyny bolyp shyqqan. Mal iesine QR Ákimshilik quqyqbuzýshylyq týraly kodeksiniń 559-babynyń 1-bóligimen aiyppul salynǵan.
