Atyraý oblysynda 42 jastaǵy jigit atys qarýyn zańsyz saqtaǵany úshin qamaýǵa alyndy, dep habarlaidy "Ult aqparat".
Oblystyq politsiia departamenti baspasóz qyzmetiniń málimetinshe, Qurmanǵazy aýdanynyń turǵyny úiinde qarý-jaraqty zańsyz saqtap kelgen.
«Bul derek «Qarý» jedel-profilaktikalyq is-sharasy kezinde rastaldy. 42 jastaǵy er adam turatyn úidi tintý kezinde odan bir dana oiyq qarýy, bir dana 5,6 mm kalibrli patron tabylyp, tárkilendi. Tekserý kezinde atalǵan azamattyń buryn sottalǵany anyqtaldy» dep habarlady departamenttiń baspasóz qyzmeti.
Qazir kúdiktige qatysty QR Qylmystyq Kodeksiniń 287-babynyń 3-bóligimen tergeý amaldary júrgizilip jatyr.
Zańsyz qarý saqtaǵan er adam ýaqytsha ustaý izoliatoryna qamaldy.
