Atyraý oblysynda tasjolda atys bolyp, bir adam qaza tapty, - dep habarlaidy Tengrinews.kz tilshisi "Aq Jaiyq" basylymyna silteme jasap.
30 qazanda saǵat shamamen 19:30-da Atyraý-Aqtóbe tasjolynyń 331-shaqyrymynda Qyzylqoǵa aýdany Saǵyz aýylynyń mańynda aýyldastar arasynda atys bolyp, alty er adam jaraqat aldy, onyń beseýine oq tigen.
Jergilikti basylymnyń málimetinshe, aýyldyń ár bóliginde turatyn er adamdar arasynda janjal shyqqan.
"Zardap shekkender Saǵyz aýyldyq dárigerlik ambýlatoriiasyna jetkizildi. Oqiǵa ornynda jedel-tergeý toby jumys istep jatyr. Qylmystyq kodekstiń 24-99-baby boiynsha sotaldy tergeý bastaldy", - dep habarlady Atyraý oblysy politsiia departamentiniń baspasóz qyzmeti ókili.
Sondai-aq, politseiler bes adam oq-dáriden jaralanǵanyn, bir adamnyń qoly synǵanyn habarlady. 1985 jylǵy er adam Saǵyz aýylyndaǵy ambýlatoriialyq aýrýhanada qaitys boldy. "Boljam boiynsha, oqiǵa aýyl turǵyndary arasyndaǵy kelispeýshilikten bolǵan", - dedi vedomstvodaǵylar.
QR Qylmystyq kodeksiniń 99-baby 2-bóligi ("Adam óltirý") boiynsha sotqa deiingi tergeý júrip jatyr.
